Thu, 21 Jan 2021

Cebuano News: Bohol Int'l Garden show gi-oktaba tungod sa COVID

Philippine Information Agency
30 Nov 2020, 17:38 GMT+10

MAY MGA GINAGMAY USAB NGA GARDEN SHOWS. Didto sa Calape niining bag-o lamang, gibisita ni Gob. Arthur Yap ang ilang Agri Fair ug Garden Show, samtang karon nga napauso pa kaayo ang pagpananum dala sa pagpugong sa mga tawo nga makagawasgawas sa balay. (PIA Bohol)

CORTES, Bohol, Nov. 29 (PIA) -- Temporaryo una nga gipa-oktaba ngadto sa wala pa matino nga petsa ang labing una na unta nga Bohol International Garden (BIG) Festival, nga magbukas unta Nobyembre 30, 2020 didto sa Island City Mall Activity Center.

Kini sanglit nahukman sa mga tigpasiugda nga ang kaluwasan ug maayong panglawas alang sa tanan gayud ang labing una nga prayoridad sa mga nag-organisa sa BIG Festival, nga magpakita unta sa mga nagkadaiya nga mga tanum nga igkita sa mga nagkadaiyang dapit sa kalibutan.

Human sa makuti nga pagtimbang-timbang ug pagtan-aw sa mga konsiderasyon, ug taliwala sa nagpadayon nga kaugmaran sa pagpanakod sa Coronavirus disease sa Bohol ug labi nang mas makapahingawa nga kalit nga pagtaas sa mga kaso sa Tagbilaran City nga dala sa pagpanakod-takod na dinhi, napugos kita paghimo sa pait nga hukom: ang pagsibog sa garden show ngadto sa lain nga petsa, segun sa mga tigpasi-ugda.

Segun pa sa pahibaw nga gipagawas sa facebook, segun sa mga organizers sa garden show nga kon may ikapagawas na nga opisyal nga mga kasayuran nga ang mga nagkadaghan nga mga kaso sa sakit, kontrolado na ug nadumala nag maayo ug luwas na nga ikapahimutang nga mga events, sabutan na usab ang pagpabukas na sa nahisgutan nga garden show.

The health and safety of everyone is of utmost priority to the organizers and exhibitors of the 1st Bohol International Garden (BIG) Festival, Plants of the World, scheduled to open tomorrow, November 30, 2020, at Island City Mall's Activity Center, (ang kaluwasan ug kasanihan sa tanan maoy labing importante nga pasalig sa mga tigpasiugda ug exhibitors sa labing una nga Bohol International Garden Festival, Plants of the World nga buksan na unta ugma, Nobyembre 30, didto sa Island City Mall Activity Center), segun sa pahibaw nga gimantala ni Lindy Sia Guidaben sa iyang facebook account.

Kini bisan pa sa dili na makwenta nga mga kahasol ug panahon nga gigamit na sa mga tigpasiugda aron madalit lamang ngadto sa tanan ang di hikalimtang nga exhibit sa mga tanom.

Apan, dasun pa sa mga organizers, "it is everyone's safety and health that matter most" (ang kaluwasan sa tanan ug ang kasanihan mas labaw pa kay sa kalihukan).

Niini miaghat ang mga tigpasiugda sa pag-paabut sa sunod nga mahuman nga petsa kanus-a ipadayon ang garden show ug exhibit, dungan sa pasalig nga ang dyutay nga pagsakripisyo dako ug ikatabang aron makahatag sa mas luwas ug mas maayo nga katilingban. (rahc/PIA-7/Bohol)

More Brazil News

Access More

Sign up for Rio de Janeiro News

a daily newsletter full of things to discuss over drinks.and the great thing is that it's on the house!