Wed, 27 Jan 2021

Cebuano News: Bakuna sa COVID-19 namugna sulod lamang sa 10-buwan

Philippine Information Agency
03 Dec 2020, 21:41 GMT+10

#PROTECT #RESPECT #WearYourMask. Samtang nagpadayon ang mga paningkamot sa nasud nga makaangkon sa bakuna batok sa COVID-17, gitambagan ang tanan sa kanunay gyud nga pagsubay sa mga lagda sa luwas ug health protocols aron dili na kinahanglan pa'ng mgadaghan sa pagpangandam ang tanan sa pagtubag sa pandemya. (PIA Bohol)

CORTES, Bohol, Dec. 3 (PIA) -- Gikan sa kasagaran nga molanat pa og kasagaran usa ka dekada hangtud makompleto ang pagmugna sa usa ka bakuna, kini gihimo lamang sa napulo ka buwan, sa usa ka kompanya nga tigpanghimo og tambal didto sa Britanya.

Ang bakuna sa Pfizer/BioNTech naka-angkon karon sa dungog nga labing paspas nga paghimo sa usa ka bakuna, gikan sa pagplano niini ngadto na sa pagkakompeto sa clinical testing hangtud nga nahukman nga luwas ug epektibo alang sa katawhan.

Kini usab nga dungog dungan nga nakuha sa Moderna, ug sa kompanya nga AstraZeneca/Oxford University.

Ang bakuna nga Moderna nga mugna sa nahisgutan nga kompanya, gitumbok na sa mga tinugyanan sa kasanihan sa Britanya nga 95 porsyento nga luwas ug epektibo alang sa katawhan.

Kini usab human nga ang nahisgutang mga kompanya mikompleto sa tulo ka hugna nga clinical trials alang sa ilang mugna nga pangkontra sa Severe Acute Respiratory Syndrome New Corona Virus 2 (SARS NCOV 2) nga maoy kagaw nga kinaingnan sa Corona virus disease (COVID).

Hinuon, ang mga nahisgutan nga kompanya nga minghimo sa binag-o nga teknolohiya sa messenger RiboNucleicAcid (MRNA) mipadayag na nga ang bakuna gikinahanglang tipigan sa ultra-cold storage nga -20 ug -75 degrees celcius, butang nga mahimong lisud alang sa pagpakatag sa bakuna ngadto na sa mga halayo nga lugar.

Sa lain nga bahin, dili usab halayo nga magasugod na usab og pagpatuman ang China sa pagpang-apud-apod sa minilyon ka dosage sa bakuna batok sa COVID nga namugna usab sa kompanya nga Sinovac Biotech.

KON MOABUT NA SA NASUD ANG BAKUNA. Una sa prayoridad sa bakuna kadtong mga naa sa sektor sa pag-atiman sa mga may sakit, mga edaran nga naay laing kakulian sa lawas, mga edaran, mga trabahante, mga hamtang nga may laing sakit ngadto na sa mga ordinaryong molupyo, segun sa gilaraw sa kagamhanan. (rahc/PIA-7/Bohol

Anaa na sa katapusang mga adlaw sa ilang ikatulo nga hugna sa clinical testing ang mga bakuna gikan sa China ug gipaabut na lang ang sertipikasyon gikan sa mga tinugyanan sa kasanihan sa nasud nga kini luwas ug epektibo batok sa COVID.

Matud sa mga nakuha nga taho, nakiglagda na ang Sinovac Biotech, usa ka Nasdaq-listed nga tigpanghimo og tambal nga nagbase sa Beijing, alang sa minilyon ka dosage sa ilang namugna nga bakuna alang sa Brazil ug Turkey, samtang binulto nga supply sa bakuna ang ilang ipadala sa Indonesia aron didto na i-empake alang sa ginagmay nga pangtupok.

Lakip na usab sa una nga makakuha sa bakuna nga gikan sa China mao ang Mexico ug lain pang lima ka nasud nga mingsugot nga didto himoon ang mga clinical trials sa nahisgutang bakuna.

Ang nahisgutan nga mga bakuna nga ginama sa China, dili kaayo delikado nga madaot kay migamit sila sa kinaraan nga pamaagi sa pagmugna sa bakuna sama sa pagmugna nga gihimo sa mga bakuna batok sa polio ug kalintura.

Kining matang sa mga bakuna miganit sa mismo nga gikuhaa-g gahum nga kagaw sa COVID aron tigawon ang panalipod sa lawas sa pagpatay sa ingon niining kagaw nga mosulod.

Kining nga bakuna magkinahanglan lamang sa standard refrigerator temperatures gikan sa 2 degrees celcius o room temperature, samtang ang bakuna sa CanSino, nga migamit sa kagaw nga kinaingnan sa sip-on nga gitawag og adenovirus 5 nga maoy modala sa genetic fragments sa COVID sulod sa lawas, mahimong dili madaut bisanb sa room temperature, apan kinahanglan gihapon nga imintinar ang iyang gikinahanglang temperature kon ibyahe kini. (rahc/PIA-7/Bohol)

More Brazil News

Access More

Sign up for Rio de Janeiro News

a daily newsletter full of things to discuss over drinks.and the great thing is that it's on the house!